Job 40

1 TOPA in Job kiangah:

2 “Thahatpenpa a mawhsak mipa in amah bawlpha ding ahi hiam?
Pasian mawhsakpa in amah dawng hen!” a ci hi. ^a

3 Tua ciangin Job in TOPA dawng a:

4 “Ka cin zo kei hi - bang hong ci dawn thei ding ka hi hiam? ^b
Ka kam ka hucip ding hi. ^c
5 Khatvei ka pau khin a, dawn nading om lopi ahi hi - ^d
nihvei ka pau hangin bangmah ka gen nawn kei ding hi,” a ci hi. ^e

6 Tua ciangin huihpi lakah TOPA in Job dawng a: ^f

7 “Kipasalsak inla, na kawng gak in;
thu kong dong dinga
nong dawng ding hi.
8 “Ka thutan’na bangmah lo suaksak na hi hiam? ^g
Nang a thutang na kisuahsak nadingin kei hong mawhpaih na hi hiam? ^h
9 Nang in Pasian’ ban bang ban nei in, ⁱ
ama aa bangin na aw in van gingsak thei ahi hiam? ^j
10 Tua ahileh minthanna le thupina tawh nang le nang kizem inla,
pahtawina le zahtakna kisilhsak dih in. ^k
11 Na thangpaihna suahkhia inla ^l
a kiphasakte enin niamkhiat gawp dih in, ^m
12 A kiphasak peuhmah en inla, amah niamkhiatin ⁿ
a gilote a dinna munah tuancil dih in. ^o
13 Amaute leivui tawh vuikhawm inla; ^p
hankhuk ah a mai uh vukcip in. ^q
14 Tua ciangin na khut taklam in
nang hong hon zo hi, ci-in ka taksang ding hi. ^r
15 “Bawngtal banga lopa a ne ^s
nang tawh kong bawlkhawm
behemoth ^{▼▼40.15 Hebrew in Pasian tapate} ngaihsun dih in. ^u
16 A kawngguh ah bang hatna nei-in ^v
a gilpi ah bang sagolh vangliatna nei ahi hiam? ^w
17 Taamtak bangin a mei ^{▼▼40.17 Singluang hi thei ding.} pek a,
a phei sagolhte gaktakin kiphan hi.
18 A guhte sumngo sungvang banga,
akhut akhete siktawn bang hi.
19 Pasian sepsate lakah a tuam pian pen hi napi ^y
amah a bawlpa in, a namsau-in a zo hi. ^z
20 Mualte in amau pana piangte amah puak a, ^aa
gamsate khempeuh a kiangah kimawl uh hi. ^ab
21 Tui-unok kung nuai-ah lum a,
nawng sung pumpeng lakah a bu hi. ^ac
22 Tui-unok kungte in a liim in sel a,
lui gei-a gialhek kungte in umcih hi. ^ad
23 Tui a khangawp hangin a patau kei hi. ^ae
Jordan khang in a kam ciang nawk ta leh ngaihmuang lai hi. ^af
24 Kua in a sikkawi-in ^{▼▼40.24 Ahikeh tui gongvang} man zo a,
thang siahin a nak pheh zo ding ahi hiam? ^ah